సటోరు ఫౌండేషన్ · వృద్ధుల కౌన్సెలింగ్ కేంద్రం
ఆత్మీయ స్పర్శAatmeeya Sparsha
పెద్దవాళ్ల మానసిక ఆరోగ్యం, భావోద్వేగ సంక్షేమం కోసం సటోరు ఫౌండేషన్ చేపట్టిన కార్యక్రమం. దీని కింద మేము అందిస్తున్న మొదటి సేవ కౌన్సెలింగ్ — ఇది ఇప్పుడు అందుబాటులో ఉంది.
ఎవరి కోసం?
వయసు పెరిగేకొద్దీ ఎదురయ్యే సమస్యలు ఒక్కొక్కరిలో ఒక్కోలా ఉంటాయి. అందుకే ఆత్మీయ స్పర్శ ముగ్గురినీ దృష్టిలో పెట్టుకుని ఏర్పాటైంది: పెద్దవాళ్లు, మతిమరుపు సమస్య ఉన్నవాళ్లు, వాళ్లను చూసుకునే సంరక్షకులు.
ఆందోళన, వృద్ధాప్యంలో వచ్చే కుంగుబాటు (late-life depression), నిద్ర సమస్యలు, దుఃఖం, ఒంటరితనం, రిటైర్మెంట్ తర్వాత జీవితంలో వచ్చే మార్పులు, అనారోగ్యంతో సర్దుకుపోవడం, పెద్దలపై జరిగే వేధింపులు, నిర్లక్ష్యం (elder abuse), తీవ్రమైన అనారోగ్యం వల్ల కలిగే బాధ.
డిమెన్షియా (dementia), ఇతర నరాల సంబంధిత సమస్యలు ఉన్నవారికి: నిర్ధారణ అయిన తర్వాత కౌన్సెలింగ్, మానసిక స్థితిలో మార్పులకు సహాయం, మనసును నిమగ్నం చేసే, కలివిడిగా ఉంచే కార్యక్రమాలు, కుటుంబంలో మారుతున్న బాధ్యతలు, నిర్ణయాల గురించి మార్గదర్శకత్వం. మేము డిమెన్షియాను నిర్ధారించము. నిర్ధారణ న్యూరాలజిస్ట్ లేదా సైకియాట్రిస్ట్ చేస్తారు; వారిని కలవడంలో మేము సహాయం చేస్తాం. ఆ పరీక్షకు ముందు, ఆ తర్వాత కావలసిన సహాయం అందిస్తాము.
ఉచిత మతిమరుపు స్క్రీనింగ్ →కుటుంబ సభ్యులకు, వృత్తిపరమైన సంరక్షకులకు: అలసట, మానసిక ఒత్తిడి (burnout), అపరాధ భావన, కోపం, తోబుట్టువుల మధ్య విభేదాలు, హద్దులు పెట్టుకోవడం, సంరక్షకుల సహాయ బృందాలు.
ఏ సమస్యలకు?
రోగ నిర్ధారణ పత్రం, డాక్టర్ రిఫరల్, సరైన మాటలు: ఇవేవీ అవసరం లేదు. వృద్ధాప్యం, జ్ఞాపకశక్తి, సంరక్షణ: వీటిలో ఏదైనా మోయలేని భారంగా అనిపిస్తే, మీకు తోడుగా నిలవడానికి మేమున్నాం.
మా విధానం
సాధారణ కౌన్సెలింగ్ పద్ధతులనే పెద్దలకు యథాతథంగా వర్తింపజేయడం మా విధానం కాదు. పెద్దలపై నిర్వహించిన పరిశోధనల ఆధారంగా, ప్రయోజనం నిరూపితమైన పద్ధతులను వారి వ్యక్తిగత అవసరాలకు అనుగుణంగా మలుస్తాం. వినికిడి సామర్థ్యం, సమాచారాన్ని అర్థం చేసుకునే వేగం, జ్ఞాపకశక్తి, కుటుంబ సంబంధాలు, రోజువారీ జీవన పరిస్థితులను పరిగణనలోకి తీసుకుని కౌన్సెలింగ్ను అందిస్తాం. ప్రతి వ్యక్తి అనుభవాన్ని గౌరవిస్తూ, వారికి సౌకర్యవంతంగా, అర్థవంతంగా ఉండే విధానాన్ని అనుసరిస్తాం.
కుంగుబాటు, ఆందోళన, నిద్ర సమస్యలకు: పెద్దవాళ్ళ అవసరాలకు అనుగుణంగా కౌన్సెలింగ్ సెషన్లు, రాతపూర్వక సూచనలు, అవసరమైనప్పుడు కుటుంబ సభ్యుల సహకారాన్ని కూడా భాగస్వామ్యం చేస్తాం.
ఫొటోలు, పాటలు, పాత వస్తువులు, గత జ్ఞాపకాల ద్వారా మనసుకు ఊరట కలిగేలా, తనదైన గుర్తింపు నిలిచేలా, సంభాషణను ప్రోత్సహించడం. డిమెన్షియా ఉన్నవారికి కూడా అనుకూలంగా ఈ పద్ధతిని ఉపయోగిస్తాం.
గడిచిన జీవితాన్ని కలిసి నెమరువేసుకోవడం: బాధ, పశ్చాత్తాపం, పూర్తికాని పనులు, జీవితానికి అర్థం లేదనిపించడం, సంతృప్తిని కనుగొనేందుకు తోడ్పాటు.
ఆత్మీయుల మరణం, ఒంటరితనం, వయసుతో పాటు పెరిగే నష్టాలు, సంరక్షకుల్లో ముందుగానే కలిగే దుఃఖాన్ని ఎదుర్కోవడానికి భావోద్వేగపరమైన తోడ్పాటు.
డిమెన్షియా, కుంగుబాటు, మందులు, భవిష్యత్తులో ఎదురయ్యే మార్పుల గురించి పెద్దవాళ్ళకు, వారి కుటుంబ సభ్యులకు సులభమైన భాషలో అవగాహన కల్పించడం.
వ్యక్తిగత సెషన్లు, బృంద సమావేశాలు: ప్రవర్తనలో మార్పులను ఎలా ఎదుర్కోవాలి, బాధ్యతను ఎలా పంచుకోవాలి, మీ ఆరోగ్యాన్ని ఎలా కాపాడుకోవాలి, ముందస్తు ప్రణాళిక.
ఎలా ప్రారంభించాలి?
ఫోన్ లేదా ఈమెయిల్ ద్వారా మమ్మల్ని సంప్రదించండి. ఈ సహాయం మీకోసమా, మీ తల్లిదండ్రుల కోసమా లేదా మీరు సంరక్షిస్తున్న వారి కోసమా అనేది తెలియజేయండి.
మీ పరిస్థితిని అర్థం చేసుకునేందుకు సంభాషణ నిర్వహిస్తాం. అవసరమైతే చిన్న పరీక్షలు చేస్తాం. పెద్దవాళ్ళ సమ్మతితో కుటుంబ సభ్యులు కూడా పాల్గొనవచ్చు.
మీకు ఏ విధమైన సహాయం అవసరమో, ఎన్ని సెషన్లు అవసరమవుతాయో, ఎంత ఖర్చవుతుందో ప్రారంభించే ముందే స్పష్టంగా వివరిస్తాం.
పంజాగుట్టలోని మా కార్యాలయంలో లేదా ఆన్‌లైన్‌లో తెలుగు, ఇంగ్లీష్, హిందీ భాషల్లో సెషన్లు నిర్వహిస్తాం. వైద్య సలహా అవసరమైనప్పుడు మా విజిటింగ్ డాక్టర్‌ను సంప్రదించేలా మార్గనిర్దేశం చేస్తాం.
ఫీజు
సటోరు ఫౌండేషన్ సెక్షన్ 8 కింద నమోదైన లాభాపేక్ష లేని సంస్థ. ఆత్మీయ స్పర్శలో కౌన్సెలింగ్ ఫీజు ప్రైవేట్ ప్రాక్టీస్ రేట్ల కంటే చాలా తక్కువగా ఉంటుంది; అవసరమైన వారికి అదనపు రాయితీ ఉంటుంది. మొదటి సెషన్‌కు ముందే ఫీజు వివరాలను స్పష్టంగా తెలియజేస్తాం. మీ సమ్మతి లేకుండా ఎలాంటి అదనపు ఖర్చులూ ఉండవు.
మిమ్మల్ని ఎవరు చూస్తారు?
ఆత్మీయ స్పర్శలో క్లినికల్ సైకాలజిస్టులు, కౌన్సెలింగ్ సైకాలజిస్టులతో కూడిన బృందం సేవలందిస్తుంది. వీరు పెద్దవాళ్ల మానసిక ఆరోగ్య అవసరాలకు అనుగుణంగా సహాయం అందిస్తారు. వైద్యపరమైన అవసరాలకు మా విజిటింగ్ డాక్టర్ సలహా అందిస్తారు. పర్యవేక్షణలో ఉన్న శిక్షణార్థులు ఫాలో-అప్ సంప్రదింపుల్లో మాత్రమే సహకరిస్తారు; వారు స్వతంత్రంగా థెరపీ అందించరు. అన్ని సేవలు తగిన పర్యవేక్షణతో, రికార్డుల నిర్వహణతో, శాస్త్రీయ ఆధారాల ప్రకారం అందించబడతాయి.
మీరు కౌన్సెలింగ్ సెషన్లలో పంచుకునే విషయాలను గోప్యంగా ఉంచుతాం. మీ సంరక్షణకు అవసరమైన రికార్డులను సురక్షితంగా భద్రపరుస్తాం. వాటిని మీ సంరక్షణలో భాగమైన, అధికారం కలిగిన నిపుణులు మాత్రమే చూడగలరు.
మూడు సందర్భాల్లో సమాచారాన్ని పంచుకోవాల్సి రావచ్చు: మీరు అనుమతి ఇచ్చినప్పుడు, ఎవరికైనా తీవ్రమైన ప్రమాదం ఉన్నప్పుడు లేదా చట్టపరమైన ఆదేశాలు ఉన్నప్పుడు. సాధ్యమైనప్పుడు, సమాచారం పంచుకునే ముందు మీకు తెలియజేస్తాం.
మీ వ్యక్తిగత సమాచారాన్ని అమ్మడం లేదా సంబంధం లేని అవసరాల కోసం పంచుకోవడం చేయము. మీ రికార్డుల్లోని సమాచారాన్ని తెలుసుకోవడానికి లేదా తప్పులను సరిచేయమని కోరడానికి మీకు అవకాశం ఉంటుంది.
ఆత్మీయ స్పర్శ 50 ఏళ్లు పైబడిన వారి కోసం. అలాగే పెద్దవారిని చూసుకుంటున్న 35 ఏళ్లు పైబడిన కుటుంబ సభ్యులు, వృత్తిపరమైన సంరక్షకులకు అందుబాటులో ఉంది. మీకు ఈ సేవలు వర్తిస్తాయో లేదో సందేహంగా ఉంటే, మమ్మల్ని సంప్రదించండి. వయోపరిమితుల కంటే మీ అవసరాలను అర్థం చేసుకోవడానికే మేము ప్రాధాన్యత ఇస్తాం.
అపాయింట్మెంట్
ఫోన్ లేదా ఈమెయిల్ ద్వారా అపాయింట్మెంట్ తీసుకోండి. మీ తల్లిదండ్రుల కోసం లేదా మీరు సంరక్షిస్తున్న వారి తరఫున కూడా మమ్మల్ని సంప్రదించవచ్చు. పెద్దల కోసం సహాయం కోరుతూ కుటుంబ సభ్యులు మమ్మల్ని సంప్రదించడం సహజమే.
హైదరాబాద్ అంతటా — పంజగుట్ట, బంజారా హిల్స్, జూబ్లీ హిల్స్, సికింద్రాబాద్, గచ్చిబౌలి, కూకట్‌పల్లి, మాదాపూర్ — నుంచి వచ్చే పెద్దలకు, కుటుంబాలకు సేవలందిస్తాం. ఆన్‌లైన్‌లో ఎక్కడి నుంచైనా.
ఆత్మీయ స్పర్శ అనేది సటోరు ఫౌండేషన్ నిర్వహించే పెద్దల కౌన్సెలింగ్ కేంద్రం. తెలంగాణ, ఆంధ్రప్రదేశ్ రాష్ట్రాల్లో పెద్దల సంరక్షణ, జ్ఞాపకశక్తి ఆరోగ్యం, డిమెన్షియా అవగాహన, మానసిక, సామాజిక శ్రేయస్సు కోసం పనిచేస్తున్న సెక్షన్ 8 లాభాపేక్ష లేని సంస్థ.
CIN U72200TS2024NPL189603 · విరాళాలకు ఆదాయపు పన్ను చట్టం సెక్షన్ 80G కింద మినహాయింపు (deduction) వర్తిస్తుంది.